МБШТ-Гандантэгчэнлин хийдийн Эрдэм соёлын хүрээлэнгээс Баянхайрхан трейд ХХК-ны дэмжлэгтэйгээр “Чин бишрэлт гавж, хамба лам Н.Эрдэнэпэлийн бүтээл туурвил” (УБ., Адмон принт, 2024) бүтээлийг хэвлүүлэн уншигч таны гарт хүргэж байна. 

Тус бүтээлд 1944-1960 онд Гандантэгчэнлин хийдийн хамба ламаар томилогдон ажилласан гавж Н.Эрдэнэпэлийн (1887-1965) бурхны шашны түүх, гүн ухаан, соёлын өвийн талаарх илтгэл, хүрээ хийдийн цамын тухай гар бичмэл, «Үүлэн элч» хэмээх орчуулгын бүтээл болон түүхч эрдэмтэн Н.Дангаасүрэн агсан, доктор, профессор Ц.Шагдарсүрэн, монгол судлаач, доктор (Sc.D), профессор А.Д.Цендина, доктор (Sc.D), профессор А.С.Железняков зэрэг эрдэмтдийн дурсамж, өгүүлэл багтсан байна.

Энэхүү бүтээлийг МБШТ-Гандантэгчэнлин хийдийн Эрдэм соёлын хүрээлэнгийн ЭНБД, докторант Н.Амгалан эрхэлж, доктор (Ph.D), дэд профессор М.Золзаяа эмхэтгэн хэвлүүлжээ.